Një aksident i rëndë ka ndodhur mbrëmjen e së premtes në aksin Elbasan Tiranë, ku dhjetë automjete janë përfshirë në një përplasje zinxhir. Si pasojë e goditjeve, tre prej mjeteve kanë përfunduar mbi njëra tjetrën.
Deri në këto momente nuk raportohet për persona të lënduar, por dëmet materiale janë të konsiderueshme. Policia ka mbërritur menjëherë në vendngjarje dhe ka nisur hetimet për të përcaktuar shkaqet e aksidentit.
Përplasja masive ka shkaktuar bllokim të qarkullimit në segmentin rrugor, ndërsa autoritetet u bëjnë thirrje drejtuesve të mjeteve të tregojnë kujdes të shtuar dhe të respektojnë sinjalizimet derisa rruga të rikthehet në normalitet.
