Atird Hoxha ka akuzuar këshilltarët socialistë të Vlorës për servilizëm dhe mungesë qëndrueshmërie në vendimmarrje, duke theksuar se para 11 muajsh ata votuan për ndarjen e Ndërmarrjes së Pastrimit nga ajo e Gjelbërimit me arsyetimin se kështu kishte vendosur Ermal Dredha. Sipas tij, të njëjtët këshilltarë tashmë kanë votuar të kundërtën, pasi këtë herë vendimi është kërkuar nga Bruna Mersini.
Hoxha vuri në dukje se vendimi i ri vjen pavarësisht faktit që ai çon në rritjen e numrit të punonjësve me 116 të tjerë, duke e çuar totalin në 1600, ndërkohë që diskutohet për ulje kostosh. Ai kritikoi mënyrën e punësimit dhe theksoi se punonjësit e rinj nuk përzgjidhen për aftësitë e tyre profesionale, por për arsye partiake.
“Nja 10 këshilltarë që marrin lekët kokë më kokë. Ata që punësoni nuk janë njerëz pune, janë njerëz partie, për t’u marrë votat atyre dhe krushqve,” u shpreh Hoxha.
