Avokati i kreut të Partisë së Lirisë, Kujtim Cakrani, ka njoftuar se Ilir Meta do të jetë i pranishëm në çdo seancë gjyqësore që nga dita e sotme. Në një deklaratë për mediat, ai u shpreh se Meta synon të përballet drejtpërdrejt me akuzat dhe të japë çdo sqarim apo parashtrim të nevojshëm gjatë procesit.
Cakrani shtoi se Meta është në gjendje të qetë dhe ka mbajtur një qëndrim korrekt gjatë gjithë kohës. Ai bëri të ditur se ish-presidenti po përgatit edhe publikimin e një libri, çka sipas tij ka kontribuar në gjendjen e tij të relaksuar.
“Meta do të jetë në çdo seancë. Ai kërkon të përballet, të dëgjojë çdo pretendim dhe të përgjigjet për çdo akuzë. Ka qenë i qetë dhe i relaksuar, ndoshta falë palestrës dhe punës për librin që po shkruan,” u shpreh Cakrani.
