Dy shtetas janë shpallur në kërkim, pasi dyshohet se janë përfshirë në trafikimin e automjeteve të vjedhura nga Italia drejt Shqipërisë. Veprimet janë kryer në kuadër të operacionit policor të koduar “Stolen Line”.
Personat e shpallur në kërkim janë:
- G. G., 34 vjeç, i dyshuar për trafikimin e një automjeti tip “Lynk&Co”, si dhe për falsifikimin e dokumenteve me qëllim shitjen dhe targimin e tij në Shqipëri.
- S. S., 40 vjeç, i dyshuar për trafikimin e një automjeti tip “Benz GLC”, falsifikimin e dokumenteve dhe ndryshimin e numrit të shasisë.
Automjetet e dy modeleve të fundit “Benz GLC” dhe “Lynk&Co” kanë një vlerë të vlerësuar prej rreth 110 mijë euro.
Materialet procedurale janë referuar në Prokurori për vijimin e hetimeve.
