Autoritetet italiane kanë goditur një rrjet të madh trafiku droge që furnizonte me kokainë tregun e Romës. Guardia di Finanza, në bashkëpunim me Antimafian (DDA), ka ekzekutuar urdhër-arreste ndaj 8 personave të dyshuar për pjesëmarrje në një organizatë kriminale të specializuar në trafikun e lëndëve narkotike.
Hetimet zbuluan se rrjeti drejtohej nga një shtetas shqiptar që jetonte në Holandë. Ai koordinonte lëvizjen e kokainës drejt vendeve të ndryshme të Europës, përfshirë Italinë, duke përdorur platforma komunikimi të koduara.
Në Romë, grupi kishte ngritur një qelizë operative për pritjen e ngarkesave, depozitimin e tyre në ambiente të sigurta dhe shpërndarjen në zonat kryesore të shitjes si Borghesiana, Pigneto, Spinaceto, Torre Spaccata, Alessandrino, Tor De’ Cenci, Finocchio, Capannelle dhe Tor Bella Monaca. Këto pika furnizimi përdheshin edhe nga grupe të tjera kriminale.
Për transportin e drogës, rrjeti përdorte korrierë italianë dhe automjete të modifikuara me vende të fshehta, të përgatitura nga një kompani bashkëpunuese.
Autoritetet raportojnë se organizata trafikonte mbi 210 kilogramë kokainë, nga të cilat 130 kilogramë janë sekuestruar gjatë operacioneve, me një vlerë totale rreth 1 milion euro.
