Në hollin e gjimnazit “18 Tetori” u zhvillua një aktivitet festiv me rastin e Festave të Nëntorit, nën moton “Art dhe Traditë”. Mes ngjyrave kuq e zi, këngës, valles dhe kostumeve popullore, nxënësit sollën një performancë të pasur artistike që përcolli mesazhe atdhedashurie dhe krenarie kombëtare.
Të pranishëm në aktivitet ishin Kryebashkiakja Eriselda Sefa dhe Drejtoresha e Zyrës Arsimore, të cilat përshëndetën nxënësit dhe mësuesit për organizimin, duke vlerësuar punën e shkëlqyer që gjimnazi “18 Tetori” bën në ruajtjen dhe promovimin e traditave kombëtare përmes aktiviteteve edukative.
Nga Gazetari Ndricim Gjoshi .
