Në mbledhjen e sotme të Këshillit të Ministrave, kryeministri Edi Rama ka miratuar disa ndryshime në përbërjen e qeverisë, kryesisht në fushën e Shëndetësisë dhe në strukturat ndihmëse të ministrive të Ekonomisë dhe Inovacionit.
Në Ministrinë e Shëndetësisë dhe Mirëqenies Sociale është emëruar Oltjon Muzaka si zëvendësministër, ndërsa nga detyra është liruar Entela Ramosaçaj. Gjithashtu, janë bërë lëvizje të tjera të brendshme në këtë dikaster, ku dy zëvendësministre janë ririmëruar në strukturën e re të ministrisë.
Po ashtu, ndryshime janë bërë edhe në Ministrinë e Ekonomisë, pas rishikimit të emërtimit të dikasterit dhe ndarjes së kompetencave me Kulturën dhe Inovacionin.
Vendimet e marra
- Oltjon Muzaka emërohet zëvendësministër i Shëndetësisë dhe Mirëqenies Sociale
- Entela Ramosaçaj lirohet nga detyra e zëvendësministres së Shëndetësisë dhe Mbrojtjes Sociale
- Ina Majko lirohet nga detyra në Shëndetësi dhe Mbrojtje Sociale dhe emërohet zëvendësministër e Shëndetësisë dhe Mirëqenies Sociale
- Denada Seferi lirohet nga detyra dhe emërohet zëvendësministër e Shëndetësisë dhe Mirëqenies Sociale
- Enkelejd Musabelliu lirohet nga detyra si zëvendësministër i Ekonomisë, Kulturës dhe Inovacionit dhe emërohet zëvendësministër i Ekonomisë dhe Inovacionit
- Olta Manjani lirohet dhe ririmërohet zëvendësministër e Ekonomisë dhe Inovacionit
- Blerta Rama lirohet nga detyra dhe emërohet zëvendësministër e Ekonomisë dhe Inovacionit
Këto lëvizje vijnë pas ristrukturimeve të fundit në disa ministri, të cilat duket se kanë sjellë edhe rishpërndarjen e detyrave në nivel zëvendësministrash.
