Besa dhe Laçi u ndanë pa gola, ndërsa Lushnja, Korabi dhe Kastrioti siguruan fitore të rëndësishme që ndryshojnë ecurinë e renditjes.
Në Kategorinë e Parë u zhvilluan katër ndeshje të javës së 11-të, një raund që solli tension, luftë sportive dhe rezultate vendimtare për ekipet pretendente. Derbi i kësaj jave u luajt në Kavajë, ku Besa dhe Laçi nuk arritën të gjenin rrugën drejt rrjetës, duke ndarë pikët me një barazim 0-0. Edhe pse të dy skuadrat krijuan raste shënimi, mungoi konkretizimi në finalizim.
Ndryshe nga kjo sfidë, emocionet nuk munguan në ndeshjet e tjera. Kastrioti triumfoi në shtëpi ndaj Luftëtarit me rezultatin 3-1. Idris shënoi në minutën e 27-të, Hoxha dyfishoi në të 41-tën, ndërsa Kapllani vulosi fitoren në pjesën e dytë. Goli i vetëm për Luftëtarin erdhi nga një autogol i Kacbufit në minutën e 75-të.
Korabi ia doli të marrë tre pikë të arta ndaj Kukësit, falë golit të Markut në minutën e 16-të. Një fitore minimale, por shumë e vlefshme, që e mban skuadrën në garë për objektivat sezonalë.
Ndërkohë, Lushnja arriti një fitore dramatike në sekondat e fundit ndaj Ilirisë. Heroi i ndeshjes ishte Kaçanolli, i cili shënoi golin vendimtar në minutën e 90-të, duke bërë që stadiumi “Roza Haxhiu” të shpërthente në festë.
Këto rezultate konfirmojnë se gara në Kategorinë e Parë po bëhet gjithnjë e më e fortë dhe diferencat mes skuadrave janë minimale. Çdo javë duket se mund të sjellë lëvizje në renditje dhe surpriza të reja.
Rezultatet përfundimtare:
- Besa 0–0 Laçi
- Kastrioti 3–1 Luftëtari
27′ Idris, 41′ Hoxha, 50′ Kapllani – 75’ (ag) Kacbufi - Korabi 1–0 Kukësi
16′ Marku - Lushnja 1–0 Iliria
90′ Kaçanolli
