Lushnja përballet me Kavajën në një sfidë vendimtare të javës së pestë, ku tifozët verdhejeshilë presin një rezultat pozitiv në fushën e Luzit.
Skuadra e Lushnjës ka hyrë sot në fushë për ndeshjen e javës së pestë të Kategorisë së Parë, përballë Kavajës. Takimi po zhvillohet në stadiumin e Luzit, ku prania e figurave të njohura të futbollit shqiptar ka shtuar emocionin e sfidës.
Pjesa e parë e ndeshjes u mbyll me rezultatin 1-1, duke mbajtur të hapura të gjitha mundësitë për vazhdimin. Në pushim, vëmendjen e mori ish-trajneri i njohur Dorjan Bubeqi, i cili ishte i pranishëm në shkallët e stadiumit.
Në një prononcim për TV Apollon dhe gazetarin Ndriçim Gjoshi, Bubeqi e cilësoi Lushnjën si “shtëpinë e dytë” dhe theksoi se mbetet i gatshëm të rikthehet në drejtimin e ekipit, nëse do t’i jepet një mundësi e tillë. Ai nënvizoi gjithashtu se në qarkullim përmenden disa emra për stolin lushnjar.
Tifozët e Lushnjës, të njohur për pasionin dhe mbështetjen e tyre, kanë qenë prezentë në tribunë duke i dhënë energji lojtarëve. Atmosfera entuziaste ka treguar edhe njëherë lidhjen e fortë mes skuadrës dhe qytetit.
Ndeshja me Besën në fund u mbyll në barazim, duke shënuar kështu edhe barazimin e pestë radhazi për Lushnjen.
Ndërkohë, gara në Kategorinë e Parë po shfaqet e ashpër dhe e balancuar, ku çdo pikë ka peshë vendimtare për objektivat e skuadrave. Për Lushnjën, kjo ndeshje konsiderohet një test i rëndësishëm në rrugën drejt synimeve sezonale.
