Nje grup adoleshentesh jan rrahur me njeri – tjetrin.

Ndiqni Videon 👇

Një sherr masiv ka ndodhur në qytetin e Fierit, ku një grup adoleshentësh janë përleshur dhunshëm me njëri tjetrin.

Ngjarja ka ndodhur në sheshin e parkimit pas qendrës së qytetit, ku ‘beteja’ është kapur nga kamerat e sigurisë së një biznesi aty pranë.

Siç shihet dhe nga pamjet e siguruara nga Tv Apollon të rinjtë gjatë përleshjes kanë përdorur dhe mjete të forta si çekiç.

Ngjarja ka ndodhur rreth orës 16:00 të ditës së sotme dhe sipas burimeve të rinjtë kanë pasur dhe armë me vete të cilat nuk i kanë përdorur.

Policia ka nisur hetimet në lidhje me këtë ngjarje të rëndë e cila mund të kishte kolapsuar në një tragjedi të vërtetë.

Policia Fier
Informacion paraprak

Sot rreth orës 16:00, në lagjen “Apollonia”, Fier, ka ndodhur një konflikt për motive të dobëta midis disa adoleshentëve.

Pas marrjes së njoftimit, është ngritur grupi hetimor dhe është bërë i mundur identifikimi i personave që kanë marrë pjesë në konflikt.

Policia ka shoqëruar disa prej tyre dhe po punohet për shoqërimin e personave të tjerë të identifikuar.

Grupi hetimor po punon për zbardhjen e rrethanave të ngjarjes dhe dokumentimin e plotë të saj.