SGS nuk do bëjë më kolaudimin, Rama jep lajmin e mirë: Mjetet e reja 3 vite pa kontroll teknik, të përdorurat do e bëjnë 1 herë në 2 vite (E PLOTË)

02/12 7:42
Credits to Apollon TV

Kryeministri Edi Rama ditën e sotme e ka nisur me një lajm të mirë që lidhet me kontrollin teknik të mjeteve rrugore (kolaudimi), i cili tashmë do të kryhet në shtet.

Me anë të një postimi në rrjetet sociale Rama bën me dije se nga janari i 2021 do të ketë disa risi që do të jenë lehtësuese për drejtuesit e automjeteve.

Ndër të tjera ai shkruan se mjetet me (0 km) 3 vitet e para nuk do kalojnë në Kolaudim, mjetet e përdorura nga 1 herë në vit do ta kryejnë kolaudimin 1 herë në 2 vjet, ndërsa mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit.

Postimi i plotë nga Edi Rama:

MIRËMËNGJES

ME NJË LAJM TË MIRË

Me përfundimin në dhjetor të koncesionit absurd të kontrollit teknik të mjeteve rrugore (kolaudimi), ky shërbim sikundër e kemi premtuar do t’i kthehet shtetit dhe do të kryhet nga #DPSHTRR dhe nga janari 2021 do të ketë këto risi që do të lehtësojnë drejtuesit e 630 mijë automjeteve:

  • Mjetet e reja (0 km) 3 vitet e para nuk do kalojnë në Kolaudim
  • Mjetet e përdorura, nga 1 herë në vit do ta kryejnë kolaudimin 1 herë në 2 vjet
  • Mjetet taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit!
  • Tarifat aktuale nuk do të rriten, megjithëse afati i vlefshmërisë zgjatet
  • Rradha famëkeqe e stresit dhe humbjes së kohës “tek Kolaudimi” do marrë fund
  • Cilësia e shërbimit do të rritet, përafrimi me Direktivat e BE në fuqi do të përshpejtohet, modernizimi e informatizimi i këtij shërbimi do të jetë prioritet, sikundër është bërë në punën e deritanishme të #DPSHTRR

***fotot nuk janë 3D por realiteti i institucionit të sapo rilindur të #DPSHTRR Fier?

Shpërndaje

© 2021 APOLLON TV. All Rights Reserved.