Reshjet e dendura të dëborës në zonat malore kanë sjellë vështirësi në qarkullimin e automjeteve.

Autoriteti Rrugor Shqiptar me anë të një njoftimi në rrjetet socials tregon se në akset Qafë Bualli-Bulqizë, Qafë Qarri-Ersekë, akset e Dibrës dhe të Kukësit kanë filluar reshje dëbore me intensitet të lartë.

Drejtuesit e mjeteve duhet të pajisen me goma dimri ose zinxhirë, të reduktojnë shpejtësinë dhe të respektojnë sinjalistikën.

Sipas ARRSH, kontraktorët Kontraktorët janë në terren me mjete dhe punëtorë ku po bëjnë pastrimin e rrugës nga bora dhe shpërnadrjen e kripës.

“Reshje me intensitet të lartë kanë filluar në Qafë Bualli-Bulqizë, në Qafë Qarri-Ersekë, akset e Dibrës dhe të Kukësit.

Kontraktorët janë në terren me mjete dhe punëtorë ku po bëjnë pastrimin e rrugës nga bora dhe shpërnadrjen e kripës.

Por për shkak të reshjeve të dendura dhe erës së fortë të gjithë drejtuesit e mjeteve që duhen të kalojnë në këto akse të pajisen me goma dimri ose zinxhirë, të tregohen të kujdesshëm, të reduktojnë shpejtësinë, të respektojnë sinjalistikën rrugore dhe udhëzimet e Policisë Rrugore”, njofton ARRSH.