Operacionalja prangos 46 vjeçarin në Elbasan, i dënuar me 10 vite burg për prostitucion në Itali, pritet ekstradimi (EMRI)

11/03 8:02
Credits to Apollon TV

Eduart (Artan) Haxhi, 46 vjeç, është arrestuar në Elbasan nga Forca Operacionale pasi drejtësia italiane e ka dënuar me 10 vite e 4 muaj burg, për dy vepra penale që lidhen me prostitucionin. 

Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën e Posaçme “Operacionale” në Drejtorinë Vendore e Policisë Elbasan dhe Interpol Tirana, pas një pune të mirorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar:

– Eduart (Artan) Haxhi, 46 vjeç, banues në Elbasan.

Kapja dhe ndalimi i tij u bë pasi Gjykata e Apelit Torino, Itali, në datën 04.03.2008, e ka dënuar me 10 vjet e 4 muaj burgim, për veprat penale “Shfrytëzim prostitucioni” dhe “Shtyrje për prostitucion në rrethana rënduese”, parashikuar nga Kodi Penal italian. 

Veprimet e mëtejshme për këtë shtetas do të kryhen nga zyra e Interpolit Tiranë.

Shpërndaje

© 2021 APOLLON TV. All Rights Reserved.