Norvegji/ Humbin jetën 23 persona pasi u vaksinuan, ja cilat ishin simptomat që u shfaqën pas vaksinës
Që nga 27 dhjetori kur ka nisur vaksinimi në Norvegji kanë humbur jetën 23 persona pasi janë vaksinuar, raporton Agjencia Kombëtare e Ilaçeve.
“Jemi informuar për 23 fatalitet pas vaksinimit. Për momentin, 13 prej tyre janë ekzaminuar”, thuhet në njoftim, citon Norëay Today.
“Këto të dhëna mund të tregojnë se simptomat e zakonshme të shkaktuara nga vaksinat, të tilla si ethe dhe të përziera, mund të çojnë në vdekjen e disa njerëzve të moshuar e me shëndet të dobët,” shprehet mjeku Sigurd Hortemu.
Vaksinimi nga vaksina e prodhuar nga kompania amerikane Pfizer dhe gjermane BioNtech ka nisur në Norvegji më 27 dhjetor 2020.
Ndërsa më 12 janar nisi marrja e vaksinën edhe nga komoania Moderna.
Deri më tani në Norvegji janë vaksinuar 21,000 njerëz me vaksinën Pfizer-BioNtech.
Të parët që u vaksinuan ishin të moshuarit që jetonin në shtëpitë e pleqve në Oslo.
Në fillim të vitit, u bë e njohur se tre njerëz që jetonin në zona të ndryshme të cilët ishin vaksinuar vdiqën, por vdekjet e tyre mund të mos lidhen me vaksinimin dhe këto raste po hetohen./Fax
