Lajm i mirë: Spitali Memorial i Fierit kryen me sukses ndërhyrjen e vështirë në mëlçi

08/07 8:36
Credits to Apollon TV
Lajm i mirë: Spitali Memorial i Fierit kryen me sukses ndërhyrjen e vështirë në mëlçi

Në Spitalin Memorial të Fierit është realizuar ndërhyrja e vështirë në mëlçi.

Lajmi është konfirmuar nga ministrja e Shëndetësisë, Ogerta Manastirliu e cila ka publikuar edhe fotot nga operacioni.

Ministrja shprehet se ky spital çdo ditë e më tepër po zgjeron shërbimet me standardet më të mira për qytetarët e jugut.

“Një ndërhyrje delikate dhe e vështirë në mëlçi, për heqjen e kisteve multiple hepatike nga ekinokoku, u realizua me sukses me laparoskopi, nga super ekipi turk dhe shqiptar në Spitalin Memorial të Fierit. Ndërhyrja u krye me sukses nën drejtimin e prof. dr. Bulent Cavit Yuksel. Spitali Memorial i Fierit çdo ditë e më tepër po zgjeron shërbimet me standardet më të mira për qytetarët e rajonit të Jugut”, shkruan Manastirliu në Facebook.

Shpërndaje

© 2021 APOLLON TV. All Rights Reserved.