Lajm i fundit/ Tragjedi në Tiranë, mjeti del nga rruga në mesnatë, vdesin 3 persona

05/03 6:25
Credits to Apollon TV

Një aksident i rëndë me pasojë vdekjen e 3 personave ka ndodhur pak para mesnate në Tiranë, pranë kodër-kasharit.

Mjeti ku udhëtonin katër persona, ka dalë nga rruga dhe është përplasur me murin e një banese, ku për pasojë tre pasagjerët kanë humbur jetën në vend. Mësohet se viktimat janë: Ismail Sula, Lulëzim Sula dhe Dashamir Dema, të cilët kanë humbur jetën në vend si pasojë e përplasjes së fortë.

Drejtuesi i mjetit një 27-vjeçar i identifikuar si Zija Murati, ndodhet në spital, në gjendje të rëndë për jetën, dhe po mbahet nën kujdesin intesiv të mjekëve.

Siç shihet dhe në foton e mëposhtme mjeti që drejtohej nga Murati ka marrë dëmtime të shumta, ndërkohë që vijojnë hetimet për shkaqet e aksidentit.

Paraprakisht dyshohet se mjeti ka qenë duke udhëtuar me shpejtësi të lartë në momentin kur ka ndodhur përplasja fatale.

Njoftimi i Policisë:

Në kodër-kashar, rreth orës 23:30, shtetasi Z. M., 27 vjeç, ka humbur kontrollin e mjetit duke dalë nga rruga. 

Si pasojë kanë ndërruar jetë 3 pasagjerë në këtë mjet shtetasit me iniciale L. S., I. S dhe D. D., ndërsa drejtuesi i mjetit ndodhet në spital, nën kujdesin e mjekëve. 

Vijon puna nga grupi hetimor dhe sherbimet e Policisë për sqarimin e rrethanave të ngjarjes.

pamje nga vendi i ngjarjes
Shpërndaje

© 2021 APOLLON TV. All Rights Reserved.