Kapen në Athinë stilisti, piloti dhe fotografi shqiptar; ia çonin kokainën VIP-ave në shtëpi

13/03 18:19
Credits to Apollon TV

Dy shtetas grekë dhe një shqiptar janë arrestuar nga policia në Athinë pasi ishin ata që furnizonin me drogë të llojit kokainë shumë VIP-a në kryeqytetin fqinj.

Të arrestuarit grekë janë një stilist i njohur emri i të cilit nuk bëhet i ditur dhe një pilot, ndërsa shqiptari i prangosur është fotograf. Policia thotë se ata u dërgonin kokainën në shtëpi VIP-ave nga fusha artistike, showbiz dhe më gjerë.

Baza e tyre ku përgatisnin drogën dhe e bënin gati për shitje ishte shtëpia ku banonin.  

Nga kontrolli u zbuluan dhe sekuestruan; sasi kokaine, pesha totale 795.1 gram, sasi e vogël kanabisi, 30,9 gram, 3 pistoleta, njëra prej të cilave ishte vjedhur, 784 gëzhoja, të llojeve dhe kalibrave të ndryshme, 4 peshore precize, 9 telefona celularë dhe 8570 euro nga trafiku i drogës.

Shpërndaje

© 2021 APOLLON TV. All Rights Reserved.