Ilir Meta i premton Leonardo DiCaprios: E duam dhe do ta mbrojmë lumin Vjosa

14/03 22:19
Credits to Apollon TV

Presidenti Ilir Meta shpërndan mesazhin e aktorit të famshëm hollivudian Leonardo DiCaprio për lumin Vjosa dhe i premton se do ta mbrojë nga ndërtimi i digave.

Prej pak kohësh, Leonardo DiCaprio është angazhuar në fushata të ndryshme për mbrojtjen e planetit dhe në to ka përfshirë edhe betejën për mbrojtjen e rjedhës së lirë të lumit Vjosa, që konsiderohet si i vetmi lumë i “egër” në Europë.

Meta i premton DiCaprio-s se do ta mbrojë lumin Vjosa.

“E duam Vjosën dhe do ta mbrojmë! Faleminderit nga zemra dhe mirënjohje të thellë Leonardo DiCaprio!”, shkruan presidenti Meta në Instagram.

Ndonëse konsiderohet si i vetmi lumë në Europë pa pengesa artificiale, në pjesën greke të shtrirjes së Vjosës ka një hidrocentral dhe një rezervuar.

Shpërndaje

© 2021 APOLLON TV. All Rights Reserved.