I dënuar me burg për drogë dhe dhunë në familje, arrestohet 44 vjeçari në Durrës

17/07 11:08
Credits to Apollon TV
I dënuar me burg për drogë dhe dhunë në familje, arrestohet 44 vjeçari në Durrës

Gentian Bushaj, 44 vjeç, është arrestuar nga Policia në Manëz, pasi gjykata e ka dënuar me 1 vit burg për “Dhunë në familje”. Gjithashtu, për këtë shtetas është caktuar dhe masa e sigurisë “Arrest me burg” për një vepër tjetër penale, atë të kultivimit të drogës.

“Specialistët për Hetimin e Krimeve në Stacionin e Policisë Manzë, ndaluan shtetasin Gentian Bushaj, 44 vjeç, Bizë, Ishëm, Durrës, pasi Gjykata e Shkallës së Parë Durrës e ka dënuar me 1 vit burgim për veprën penale “Dhuna në familje” gjithashtu ka vendosur masën e sigurisë “Arrest me burg”, për veprën penale “Kultivimi i bimëve narkotike”.

Gjithashtu, në prangat e Policisë kanë rënë dhe 4 shtetas të tjerë, për vepra të ndryshme penale. Materialet për ta i kaluan Prokurorisë së Rrethit Gjyqësor Durrës, për veprime të mëtejshme hetimore.

— Specialistët për Hetimin e Krimeve në Komisariatin e Policisë Shijak, arrestuan në flagrancë për veprën penale ” Mbajtja pa leje dhe prodhimi i  armëve,armëve shperthyese dhe i municionit”, shtetasin A. S., 47 vjeç, banues në Karpen, Shijak, pasi gjatë kontrollit në banesën e tij shërbimet e Policisë gjetën dhe sekuestruan në cilësinë e provës materiale 200 fishekë.

— Specialistët për Hetimin e Krimeve në Komisariatin e Policisë Durrës, arrestuan në flagrancë për veprën penale “Dhuna në familje”, shtetasin Dh. G., banues në Durrës, pasi pranë banesës së tij, pas një konflikti për motive të dobëta ka goditur me sende të forta nipin e tij shtetasin S. G., 26 vjeç.

— Specialistët e Qarkullimit Rrugor në Drejtorinë Vendore të Policisë Durrës, arrestuan në flagrancë shtetasin V. R., 46 vjeç, banues në Durrës, pasi u konstatua nga shërbimet e Policisë duke drejtuar mjetin tip kamion në gjëndje të dehur në masën 0.92 mg/l.

— Specialistët për Hetimin e Krimeve në Stacionin e Policisë Manzë, proceduan penalisht shtetasit A. H., banues në Rrotull, Durrës, A. K., banues në fshatin Armath, Durrës dhe E. D., banues në Hamallaj, Durrës, pasi u konstatuan duke kryer punime pa lejen e organeve kompetente.

Shpërndaje

© 2021 APOLLON TV. All Rights Reserved.