Dëshmia e fqinjëve të çiftit Pasho: Nusja doli me qese që pikonte dhe qelbej erë

23/12 19:23
Credits to Apollon TV

Detaje të reja janë zbuluar nga ngjarja e tmerrshme e çiftit shqiptar, Shpëtim dhe Teuta Pasho, të cilët u gjetën në 4 valixhe pas pesë vitesh që u deklaruan të humbur.

Mediat italiane kanë zbardhur dëshminë e fqinjëve, një ditë pas arrestimit të ish të dashurës së djalit të tyre, Taulantit, Elona Kaleshi.

Sa herë hapej dera e një prej apartamenteve, era e keqe përhapej shpejt në të gjithë shkallën.

“Një mëngjes – i tha qiramarrësi karabinierëve – unë u ktheva nga supermarketi dhe vura re erën e  keqe mishit të kalbur. Pashë një grua të re që po dilte nga atje me qese letre në dorë nga e cila dilte një substancë dhe derdhej mbi dysheme. I thashë asaj ‘ka ndonjë njeri të vdekur?’ sepse u shqetësova nga era e keqe. “Ajo më tha se vinte era e verës së prishur. I thashë se kjo është aromë e mishit të kalbur”.

Pastaj kjo zonjë, pa u përgjigjur dhe madje e mërzitur, doli nga dera dhe unë e pashë duke hedhur qeset e letrës që po pikonin në koshin e shtëpisë dhe u largua me karrocë”.

Për karabinierët, ajo grua ishte Elona Kaleshi dhe ato mbetje që lëshonin erën e vdekjes në të gjithë ndërtesën ishin ato të bashkëshortëve Shpëtim dhe Teuta Pashk, 54 dhe 52- vjeçe, prindër të të dashurit të saj në atë kohë.

Në dyzet faqet e arrestimit të lëshuar nga prokurorja Ornella Galeotti , gjenden elementët që shqetësuan 36-vjeçaren shqiptare, aktualisht e vetmja e hetuar për vrasjen e dyfishtë, përbuzjen e kufomave dhe fshehjen e tyre.

Në këtë shtëpi në via Fontana, të cilën gruaja u përpoq në çdo mënyrë të mos i gjente, kishte vendosur dy viktimat, të cilët kishin mbërritur një muaj më parë nga Shqipëria për të pritur djalin e tyre Taulantin, në atë kohë i dashuri i Elonës, i cili do të dilte nga burgu ku ishte burgosur për tregti droge.

Elona ndoshta i kishte planifikuar të gjitha dhe shkaku dyshohet një shumë e madhe parash që Pasho mbante gjithmonë me vete. Një “punë” për të bërë para se i dashuri të largohej: paratë ishin të tijat dhe ai vështirë se mund t’ia kishte vjedhur atij.

Përndryshe, gruaja do të kishte vrarë për fërkimet që kishte me prindërit e të  dashurit të saj, veçanërisht me nënën Teuta “e cila nuk mund të toleronte ndërhyrjen e Kaleshit në çështjet e tyre familjare“.

Pas krimit, përveç fshehjes (përpos dëshmitarëve të shumtë të hasur) së gjurmëve, “qëllimi i gruas për të ndërtuar një alibi dhe për të devijuar hetimet nga vetë ajo, duke ndërtuar me art karakterin e gruas së abuzuar që i nënshtrohet impulseve të dhunshme të te dashurit të saj të atëhershëm”./panorama

Shpërndaje

TË NGJASHME

© 2021 APOLLON TV. All Rights Reserved.