Aksident pranë stadiumit ‘Air Albania’, makina del nga rruga dhe përplaset me një mjet të parkuar
Një aksident ka ndodhur në afërsi të stadiumit “Air Albania” mbrëmjen e sotme.
Sipas policisë drejtuesi me iniciale B. Xh, ka humbur kontrollin duke u përplasur me një automjet të parkuar në afërsi. Si pasojë ka vetëm dëme materiale dhe jo të lënduar.
“Informacion paraprak, rreth orës 19:25, në afërsi të stadiumit “Air Albania” shtetasi B. Xh., ka humbur kontrollin e mjetit dhe është përplasur me një mjet të parkuar aty në afërsi. Nga përplasja ka vetëm dëme materiale.
Sherbimi i Qarkullimit Rrugor ka kryer veprimet përkatëse dhe ka ndëshkuar administrativisht për mosrregullim shpejtësie në qendrat e banuara drejtuesin e mjetit shtetasin B. Xh”, njofton policia.
