45 euro për gramë/ Ky është momenti i arrestimit të dy të rrezikshmëve në Tiranë, e kishin fshehur kokainën në pantallona

26/01 10:12
Credits to Apollon TV
45 euro për gramë/ Ky është momenti i arrestimit të dy të rrezikshmëve në Tiranë, e kishin fshehur kokainën në pantallona

Dy persona janë vënë në prangat e Policisë së Tiranës, pasi u kapën me një sasi të konsiderueshme kokaine, rreth 800 gramë, e cila më pas do të ndahej në doza më të vogla.

Një prej personave të arrestuar është shtetasi me inicialet, B.S, i cili i konsiderohet si person me rrezikshmëri të lartë shoqërore pasi rezulton në listën e më të kërkuarve pasi akuzohej për veprën penale ”vrasje e mbetur në tentativë. Shtetasi tjetër i arrestuar është shtetasi me inicialet A.A, i cili dyshohet se kryente rolin e shpërndarësit të kokainës.

Sipas Policisë shtetasi B. S.(Z)., me anë të lidhjeve të tij shoqërore siguronte sasi të mëdha lënde narkotike të llojit kokaine, të cilën ia jepte më pas shtetasit A. A., që ta shiste në doza të vogla, te klientë të ndryshëm në qytetin e Tiranës, me sasi nga 100 gramë deri në 1 kg, kundrejt vlerës 45 euro për gram.

Njoftimi i plotë i Policisë: 

Finalizohet operacioni policor i koduar “Klienti”, për goditjen e veprimtarisë kriminale në fushën e narkotikëve. 

Sekuestrohen rreth 800 gramë kokainë, 1 automjet dhe 1 aparat celular.

Vihen në pranga 2 shtetas, posedues dhe shpërndarës të lëndës narkotike.

Njëri nga të arrestuarit, person me rrezikshmëri të lartë shoqërore, i shpallur në kërkim për veprat penale “Vrasja me paramendim” mbetur në tentativë dhe “Armëmbajtja pa leje”.

Specialistët e Seksionit për Hetimin e Narkotikëve, në vijim të punës së pandërprerë për kapjen e personave që qarkullojnë me lëndë narkotike apo merren me shpërndarjen e tyre dhe të personave me rrezikshmëri të lartë shoqërore që janë shpallur në kërkim, pas një pune hetimore disamujore, organizuan dhe finalizuan operacionin e koduar “Klienti”. Si rezultat u bë arrestimin në flagrancë i shtetasve:

  • B. S.(Z)., 35 vjeç, i shpallur në kërkim për llogari të DVP Dibër, për veprat penale “Vrasja me paramendim” mbetur në tentativë dhe “Armëmbajtja pa leje”.
  • A. A., 33 vjeç, banues në Tiranë.

Shtetasi B. S.(Z)., me anë të lidhjeve të tij shoqërore siguronte sasi të mëdha lënde narkotike të llojit kokaine, të cilën ia jepte më pas shtetasit A. A., që ta shiste në doza të vogla, te klientë të ndryshëm në qytetin e Tiranës, me sasi nga 100 gramë deri në 1 kg, kundrejt vlerës 45 euro për gram.

Në vendin e quajtur “21 Dhjetori”, gjatë kontrollit fizik të ushtruar ndaj këtyre shtetasve, u gjet një sasi me rreth 800 gramë lëndë narkotike kokainë, e cila u sekuestruan në cilësinë e provës materiale, së bashku 1 aparat celular dhe një automjet që autorët e përdornin për shpërndarjen e lëndës narkotike.

Materialet iu dërguan Prokurorisë së Rrethit Gjyqësor Tiranë, për veprime të mëtejshme hetimore.

Shpërndaje

© 2021 APOLLON TV. All Rights Reserved.